Алматыда Жастар саясаты басқармасының  қолдауымен Халықаралық жастар күніне орай  қаламызда және комьюнити орталықтардың базасында 60-тан астам арнайы шаралар өткізу жоспарланған.

Алматы – жастар қаласы, мұнда 14 пен 35 жас аралығындағы 695,6 мың жас тұрады.

          Осы ретте, ағымдағы жылдың 3 тамызы мен 12 тамыз аралығында 10 бағыт бойынша («Taza Qazaqstan», «Jas kelse. Iske!», «Densaulyk – zor bailyk», «Gylym tappai maqtanba», «Meyirimdilik mekeni», «Adal Azamat», «Enbek barin de jenbek», «Ystyq qairat. Nurly aqyl. Jyly jurek», «Qorgan-24», «Jasratmen birge») жастардың шығармашылық әлеуетін асыруға және  салауатты өмір салтын қалыптастыру мақсатында іс-шаралар ұйымдастырылады.

«1999 жылдан бастап бүкіл әлемде 12 тамызда Халықаралық Жастар күні атап өтіледі. Бұл жастарға, олардың жетістіктері мен әлеуетіне арналған ерекше күн. Біз қарқынды өзгерістер мен жаһандық сын-қатерлер дәуірінде өмір сүріп жатырмыз. Жастар батылдық пен шығармашылықтың үлгісін көрсете отырып, осы процестердің алдыңғы қатарында. Біздің міндетіміз – сапалы білім алуға, денсаулық сақтауға және жұмысқа орналасу мүмкіндіктеріне қол жеткізуді қамтамасыз ете отырып, олардың дамуы үшін қолайлы жағдайлар жасау», - деді Алматы қаласы Жастар саясаты басқармасының басшысы міндетін атқарушы Азиз Кажденбек.

Сонымен қатар, бұл күндері Жастар саясаты басқармасы қала кәсіпкерлерімен бірлесіп 14 пен 35 жас аралығындағы жастарға арналған «Jas Almaty» ауқымды акциясын өткізу жоспарлануда, оның шеңберінде жастарға қоғамдық тамақтану, пайдалы демалыс саласында жеңілдіктер жасалады.

Жастар күніне арналған іс-шаралар жоспары