Алматы қаласы Жастар саясаты басқармасының қолдауымен, Халықаралық жастар күніне орай ұйымдастырылған «Jas Vibe» акустикалық кеші ашық аспан астында өтіп, шығармашылық атмосферада жалғасты. Іс-шараға 500-ге жуық адам қамтылып, 30 жас әнші мен музыкант өнер көрсетті. Бағдарлама барысында авторлық әндер, танымал туындылар және поэтикалық перформанстар ұсынылды. Ұйымдастырушылар: Әуезов ауданы коммюнити-орталығы.

Шараға Алматы қаласы Жастар саясаты басқармасы басшысының орынбасары Алмаз Абайұлы,сондай-ақ Әуезов ауданы әкімдігінің өкілдері арнайы қонақ ретінде қатысты.
Кеш аясында қатысушылар мен қонақтарға сусындар мен жеміс-жидектер ұсынылды. Іс-шара жастардың шығармашылығын насихаттап, олардың өнерге және мәдениетке деген қызығушылығын арттыруға бағытталды.